德甲:拜仁贏往績客客克敵

拜仁贏往績客客克敵拜仁慕尼黑今晚喺德甲作客鬥史浩克04，拜仁自德盃出局後，聯賽2連勝重返正軌，加上佢哋近9次對史浩克04全部由頭贏到尾，熱選半全場「客客」啱數。（周日晚10時30分開賽）2連勝重返正軌史浩克今季頭14輪聯賽不勝，一度造出跨季30場聯賽不勝劣績，佢哋早前4比0擊敗賀芬咸打開勝利之門後，接連輸畀法蘭克福及科隆，整體戰鬥力及狀態唔見有好轉；球會為下半季護級積極增兵，先由阿仙奴借用後衞哥拉辛拿斯，日前再重召阿積士老牌射手亨特拉爾。亨特拉爾級數、射術當然唔需要懷疑，不過呢位前荷蘭國腳依家已經37歲，活力大不如前，面對如日方中嘅拜仁，相信幫助不大，加上佢仲要時間同隊友建立默契，恐難即時發揮作用。拜仁慕尼黑早前喺德國盃第2圈被乙組仔基爾淘汰出局，不過球隊好快回復信心，近2場聯賽先後擊敗弗賴堡及奧格斯堡，繼續於榜首帶頭。考慮到德甲今季爭標形勢緊湊，RB萊比錫、利華古遜都來勢洶洶，拜仁冇太多失分空間，今場勢必先下手為強，盡快攞到領先優勢，以免夜長夢多。睇番拜仁對上9次對史浩克全部贏晒，而且全部都可以喺上半場入波領先，包括首循環狂數8比0，今場首選半全場「客客」，如果嫌賠率太熱，拜仁讓兩球/兩球半嘅上盤亦可一試。