諾高平欠銳細盤執到堡|東方日報

諾高平欠銳細盤執到堡
2022/07/25文:Mic少

周二凌晨瑞典超，諾高平主場迎戰哥登堡，雙方近況都未如理想，諾高平已連續6場聯賽未贏過，其中近4場聯賽總入球全開2球或以下。哥登堡近兩仗僅入1球，既然兩隊攻力疲弱，最好選擇中位數2.5球嘅入球細。（周二凌晨1時開賽）

諾高平自5月尾開始，表現急轉直下，近6場聯賽只有3和3負，包括近3場僅入1球，主力射手莊拿芬利維腳風唔順，已連續6場聯賽食白果，另1位前鋒基斯杜化尼曼近期經常缺陣，諾高平想翻身並唔容易。

至於哥登堡早前曾經取得聯賽3連勝，但之後無以為繼，近兩仗分別0比3不敵哈馬比、打和米贊比1比1。加上以哥登堡近5場聯賽作客輸4場嘅弱勢，預料今仗無力發圍，捧入球細為妙。