愛奴半和抗巴塞|東方日報

打吡大戰搏到盡

西甲周六早場，巴塞隆拿主場迎戰愛斯賓奴合演同市打吡。兩隊排名懸殊，巴塞在西甲領先，愛斯賓奴則在護級區徘徊，實力有明顯分野，不過兩隊屬同市宿敵，實力較弱嘅愛斯賓奴為搶分唔會輕易放棄，形成戰況接近，雙方近5次交手4次開半場和，巴塞取勝未如想像中容易，反而半場和更值捧場。

（Now 632周六晚9時直播）

巴塞嘅世盃球星大多於較早階段出局，只有奧士文尼迪比利及祖利斯古迪參加決賽，但最終落敗而回，會方讓大部分球員休息，至12月15日已經重新召集操練，射手羅拔利雲度夫斯基日前獲頒金足獎，可望為今仗「冲喜」，不過佢哋全隊始終休戰太久，要重新「撻着」需要時間，特別係多位西班牙年輕國腳世盃經歷挫敗，16強慘遭摩洛哥淘汰，信心受打擊都要時間平復。
同市對壘戰意高昂

愛斯賓奴比巴塞更早復操，月中踢過熱身賽，聖誕前在西班牙第3圈上陣，作客小勝低組別球隊帕索競賽會1比0，為聯賽重開做足準備工作，前鋒丹尼高美斯停賽，勢必令球隊更專注防守，加上同市打吡戰球員戰意高昂，踢高一班波，今仗頂住半場不足為奇。