世球會盃：艾阿里爭取晉級大德起_東方日報

近3屆都打入4強
世冠盃第2圈賽事，非洲冠軍艾阿里大戰東道主球隊伊蒂哈德，勝方會同巴甲富明尼斯爭入決賽。埃及班霸艾阿里近3屆都入4強，而且貫徹進攻足球贏盡掌聲；伊蒂哈德有賓施馬壓陣，力圖為亞洲足球再創佳績，雙方都有自信晉級，今仗都會主動出擊，2.5球入球大值得捧場。
（Now 630及633周六凌晨2時直播）

伊軍目標躋身決賽
伊蒂哈德日前喺首圈以3比0大破奧克蘭，兩大前鋒賓施馬、羅馬連奴都有進帳，鋒線球員狀態大勇，自從阿根廷教練加拿度上任後，伊蒂哈德嘅進攻明顯更加流暢。同樣來自沙特嘅希拉爾，上屆能殺入世冠盃決賽，伊蒂哈德亦以躋身決賽為目標，加上主場聲勢，今仗必採取主動。

埃及勁旅艾阿里貴為世冠盃常客，對上3屆都闖入4強並取得兩次季軍，速度同體力兼備嘅踢法極具侵略性，佢哋近5場世冠盃，有4次總入球開3球或以上，相信今仗會同伊蒂哈德駁火，2.5球入球大揀得過。