拜仁讓和與眾同「諾」

拜仁讓和與眾同「諾」
 
拜仁慕尼黑今季雖然唔係場場大炒，不過就夠晒穩陣，近6戰得5勝1和，一球波都冇失過，今晚喺安聯球場對住實力普通嘅漢諾威，讓兩球嫌太多，但可吼4倍「讓和」，搏淨贏兩球收手。（周六17，有線61及201台周六9:30pm直播）

周中歐聯作客小勝莫斯科中央陸軍1:0之後，拜仁慕尼黑累積6戰5勝1和，兼且保持連續568分鐘不失球紀錄，門將紐亞當然係居功至偉啦，不過一對攻擊球員湯馬士梅拿同埋馬里奧葛斯都有唔少功勞，佢兩個呢排腳風超順，幫拜仁頻頻取得士哥，所以羅拔利雲度夫斯基表現患得患失，亦無損球隊嘅數糊能力，鬼叫拜仁人強馬壯，板凳深度夠晒厚咩！
堤亞高艾簡達拿據報已恢復有波在腳嘅訓練，雖然暫時未可以正式復出，但呢個已經係振奮人心嘅好消息，而後衛謝路美保定就親自公佈傷癒，叫球迷唔使擔心，睇嚟拜仁嘅陣容會逐漸回復完整，到時如虎添翼，實力肯定更恐怖。教練哥迪奧拿唔多滿意球隊周中表現，已經向球員作出訓話，是役打醒十二分精神肯定有戲睇。

漢諾威中後場唔齊腳

漢諾威上場又輸波，作客以0:1不敵史特加，而球隊今季作客戰績亦欠佳，至今仲未喺聯賽打開作客勝利之門，踢3場得1分，最慘係入唔到波。中場艾加派比、史甸度、安德里荷夫曼、泰治加巴同埋門將馬古斯米拿都會因傷缺陣，陣容嚴重不整，加上漢諾威近6次作客拜仁全敗，今仗相信唔會例外，只係拜仁唔鍾意大炒，搏4倍「讓和」好路。