走肖：對完拜仁78%至少贏2粒 多蒙特「讓主」好芬頭

德國盃8強有「蜜蜂兵團」出場，多蒙特今晚喺主場迎戰賀芬咸，吼實1.93倍「讓球主勝」最實際。近年多蒙特有個好奇怪嘅現象，就係每逢對完拜仁慕尼黑後，幾乎必定贏波，而且仲有成78%能夠至少淨勝兩球，真係信不信由你呀！

（TVB01周三凌晨2:30直播）

中場香川真司回勇
近年多蒙特喺德甲同拜仁鬥到你死我活，但唔好以為，多蒙特每次撼完死對頭會冇晒能量喎，睇番近3個球季，佢哋同拜仁交手後嘅比賽有8勝1和，期間有7場至少淨勝兩球，包括今季德超盃同歐聯分組賽，先後對完拜仁後以4:1炒起史特加踢球者同加拉塔沙雷，成功率有78%，問你服未？再講，現時多蒙特嘅傷兵問題已開始紓緩，主要得中場哥斯基奧斯、紐尼沙軒同右閘比薛斯基養傷，中場香川真司更加有翻生嘅味道，唔憂冇波入。

賀芬咸作客戰績曳
另邊廂嘅賀芬咸，射手禾蘭雖然係幾弗，可惜佢以往對多蒙特好少入波，況且仲有中場主力波蘭斯基唔出得，作客例牌腳軟，喺聯賽只係贏過兩場咁多，睇怕想進身德盃4強都幾難！